Baliwag News Service

Baliwag Public Safety Cluster

Nito lamang Hunyo 19, 2019 sa ganap na 10:00 ng umaga, ay pinulong ng iginagalang na Punong Bayan Ferdinand V. Estrella ang mga pinuno at kawani ng Public Safety Cluster upang resulbahin ang ilang isyu ukol sa sistema ng koordinasyon ng mga ahensyang bumubuo rito, at upang higit na mas makapag bigay ng dekalidad na serbisyong may malasakit na siyang makakapagtiyak at makapagpapanatili ng kaayusan at kaligtasan ng bawat mamayan sa bayan ng Baliwag. Ang Public Safety Cluster ay binubuo ng Municipal Disaster Risk Reduction and Management Office, Baliwag PNP, Baliwag Bureau of Fire Protection, Baliwag Traffic Management Office at ng Public Assistance and Complaint Center.

Ilan sa mga isyu na naresulba sa nasabing pagpupulong ay ang wastong koordinasyon ng bawat ahensyang nakapaloob sa nasabing cluster, ang pagkakaroon ng makabagong teknolohiya tulad ng “two way digital radio communication system” sa bawat tanggapan ay nagdulot ng mas mabilis na pag pasa ng mga impormasyon na nagbigay daan naman upang mas mapabilis ang pag respunde sa mga insidente ng kalamidad, disgrasya, krimenalidad at iba pang uri ng disorganisasyong pambayan. Dahil sa nasabing sistema, ay nakita at minabuting iminungkahi ng Punong bayan na palawigin pa ang nasabing proyekto, kung saan maging ang mga barangay ay pamahagian ng nasabing radio communication system upang mas maging “magkakatuwang” ang gampanin ng bawat kawani ng bayan sa pag papanatili ng kaayusan sa pamayanan.

Pinag usapan din ang programang pagpapalakas sa mga boluntaryong grupo na nakakatuwang ng pamahalaan sa pagpapanatili ng kaligtasan ng bawat Baliwagenyo, sa darating na hulyo sa pangunguna ng MDRRMO sa pag gunita sa Disaster Preparedness Month ay magsasagawa ng Capacity building para sa mga boluntaryong grupo katuwang ang Baliwag Bureau of Fire at Baliwag PNP. Sa nasabing Gawain din ipamamahagi ang mga digital radio unit sa mga nasabing grupo upang masmaging episyente ang koordinasyon sa mga ito.

Inatasan din ng punong bayan ang bawat ahensya na maging maagap sa pagtugon sa mga pangangailangan ng mga baliwagenyo upang maagapan ang mga kalamidad o kriminalidad bago pa man ito mangyari. Maging mas malapit ang mga serbisyo sa mga pamilya, at isa sa iminungkahi ng Punong Bayan ay pagkakaroon ng madalas na pagbaba ang mga ahensya sa bawat barangay upang magsagawa ng mga informative discussions o diyalogo sa ating mga kababayan ukol sa programa at serbisyong pampamayanan.

Napagkasunduan din ng Public Safety Cluster na gawing buwanan Ang pulong ng nasabing cluster upang maresulba agad ang alinmang isyu o mga problemang nasuri ng mga kasamang ahensya ukol sa seguridad at kaayusan sa pamayanan.

Higit sa mga pagkilala at pagtangi , ang Seguridad at Kaligtasan ng Bawat Baliwagenyo ay Prayoridad ng Pamahalaang Bayan ng Baliwag, kaya “magkakatuwang” suportahan at tangkilikin ang mga polisiya at programa ng Pamahalaang Bayan, tungo sa mas masagana at ligtas ng Siyudad ng Baliwag.

Advertisements