You do not have sufficient freedom levels to view this video. Support free software and upgrade.

Maraming Salamat

sa lahat ng nakiisa sa mga pagdiriwang ng ika-285 taong anibersaryo ng Baliwag.

Ngayon taon

ay inaaasahang matatanggap natin sa kauna-unahang pagkakataon, ang sertipikasyon mula sa Department of Finance na ang Bayan ng Baliwag ay Kwalipikado na maging isang lungsod. Ang pagiging lungsod ay isang estado ng bagong pagsasarili kung kaya’t inihanda natin ang isang kawanihan na may mataas na pamantayan nang sa gayon, ay mahihigitan nito ang anumang kompetisyon at hamon ng pagiging isang lungsod.

Patuloy-tuloy

tayong magsisikap na maihatid sa bawat isang Baliwagenyo ang serbisyong may malasakit na naka-ugat sa pagiging #magiliw, #maagap #mahusay #maaasahan at pagkilala sa lakas ng bayan lalo’t #magkakatuwang.

Ang buong isang lingo

na pagdiriwang ay mula sa pinagsama-samang lakas ng mga kawani ng Pamahalaang Bayan ng Baliwag, pribadong sektor, indibidwal, civil society organizations at iba pang ahensiya ng gobyerno. Maraming salamat po sa inyo.

Ang pagkakaisa

ang mananatiling susi sa tagumpay ng ating bayan patungo sa kalunsuran at hinaharap. Tunay nga, sa kanyang ika-285 taon, ang Baliwag ay tila sombalilong buntal na nilala ng buong tiyaga, husay at galing nang sa gayon ay buong pagmamalaki itong isuot ng gagamit.

285 taon na nga ang Baliwag

at patuloy itong nagniningning at nagliliwanag dahil sa mga Baliwagenyo na kahit saan man dalhin ng kanyang mga pangarap ay hindi nakakalimot na lingunin, balikan, pasalamatan ang bayan pinagmulan ng sombalilong tinaguriang the finest hat in the orient.