Baliwag News Service Environment Protection

Palit Basura Store sa Paaralan, malapit nang buksan!

 

Bilang katuwang sa paghahatid ng Serbisyong May Malasakit sa Kalikasan, ang Pamahalaang Bayan ng Baliwag katuwang ang Municipal Environment and Natural Resources Office (MENRO) at Sun Cellular ay magkakaloob sa mga paraalan ng Palit Basura Store sa Paaralan. Labing-isang paaralan para sa unang batch ang nakatakdang pagkalooban ng Palit-Basura Store na kinabibilangan  ng mga sumusunod: Mariano Ponce National High School, Sulivan National Highschool, Virgen delas Flores High School, Sto.Niño Highschool, Teodoro Evangelista Highschool, Concepcion Elementary School, Tarcan Elementary School, Baliuag South Central School, Paitan Elementary School, Subic Elementary School at Sta.Barbara Elementary School. Ito ang kauna-unahang Palit Basura Store sa Paaralan ng Baliwag.    

Kaugnay nito, ang palit-basura sa paraalan ay bahagi ng kampaya ng pamahalaan upang unti-unting panatilihin ang kalinisan at kaayusan ng kapaligiran. Layunin din ng proyektong ito na maturuan ang mga kabataan kung paano pahalagaan at pakinabangan ang mga basura.

Ito ay inaasahang opisyal ng bubuksan sa huling linggo ng Pebrero.

Advertisements